Uji Termal!

A e dini se uji termal është uji që vjen nga thellësitë e tokës, i cili duke kaluar nëpër shkëmbinjtë nëntokësorë pasurohet me shume minerale dhe elementë shumë të dobishëm. Prej kohësh janë njohur vetitë terapeutike të tij, veçanërisht në lidhje me lëkurën.

Kalium, natriumi, kalçiumi, magnezi, klori, seleniumi, bikarbonatet, sulfatet, nitratet janë disa nga elementët që uji termal përmban. Veçoritë dhe përbërja e tij varet nga përbërja e tokës dhe shkëmbinjve. I mbledhur në mënyrën e duhur, ky ujë është mikrobiologjikisht i pastër.

Nëse keni lëkurë të ndjeshme apo të dehidratuar ky ujë është posaçërisht për ju.

Cilat janë disa nga vetitë e ujit termal?

Uji termal ka një sërë benefitesh:

Në lëkurë:

1. Hidratimi – uji termal është i pasur në minerale, të cilat hidratojnë lëkurën.
2. Efekti anti-inflamator – disa minerale të pranishme në ujin termal si p.sh seleni dhe zinku kane veprim anti-inflamator. Kjo ndihmon raste të disa problematikave të lëkurës.
3. Dermatit dhe ekzemë – përdorimi i ujit termal në disa raste sjell qetësim të irritimeve.
4. Efekt freskues dhe tonik – për shkak të këtyre benefiteve është shumë i përdorur veçanërisht në ditët e nxehta.
5. Rikthen pH e lëkurës – uji termal i përdorur pas larjes dhe pastrimit të fytyrës i rikthen lëkurës pH normal. E përgatit lëkurën për produktet e tjera të përkujdesjes për lëkurën.
6. Anti-age – Mineralet e pranishme në ujin termal mbajnë të shëndetshme lëkurën tuaj. Pakëson dhe parandalon formimin e rrudhave me kohën.
7. Efekt qetësues – gjen kryesisht përdorim gjatë verës. Nëse keni djegie nga dielli ose skuqje të lëkurës provoni të përdorni një ujë termal. Qetëson irritimin dhe diskonfortin e lëkurës.
8. Uji termal mund të përdoret edhe si spraj fiksues pas vendosjes së make-up-it.

Sugjerimi ynë:

Përfshijeni ujin termal në rutinën tuaj të përditshme të përkujdesjes për fytyrën dhe trupin dhe preferoni produkte kozmetike që e përmbajnë atë.

Zgjidhni një produkt cilësor dhe pa substanca të tjera të dëmshme në formulim.