Operil 0.
05% përdoret vetëm për të rriturit dhe fëmijët mbi 7 vjeç.
Përmban oksimetazolinë, një substancë me veprim dekongjestionant nazal.
Oksimetazolina ngushton arteriolat, çka çon në zvogëlim të edemës në mukozën dhe sekrecionet nazale.
Kjo bën që frymëmarrja të lehtësohet.
Operil e nis efektin brenda pak minutash dhe ky efekt zgjat deri në 12 orë.
Oksimetazolina ka veprim anti-inflamator dhe antioksidues.
Ai ka dhe veprim antiviral në disa viruse, të cilat shkaktojnë kryesisht sëmundje respiratore.
Operil përdoret për trajtimin e:

– rinitit akut të shkaktuar nga të ftohtit;
– rinitit alergjik;
– rinosinuzitit;
– inflamacionit të veshit të mesëm.
Mos përdorni Operil:

– nëse keni alergji nga ndonjëri prej përbërësve të pranishëm në formulim;
– nëse keni inflamacion të lëkurës dhe mukozës nazale;
– pas hipofizektomisë transfenoidale;
– nëse keni glaukomë me kënd të ngushtë;
– nëse jeni duke përdorur IMAO ose nuk ka kaluar 2 javë nga ndërprerja e tyre;
– nëse vuani nga astma kardiake ose sëmundja koronare akute.
Shtatzënia dhe ushqyerja me gjiOperili mund të përdoret gjatë shtatzënisë vetëm nëse këshillohet nga mjeku juaj.
Duhet të tregohet kujdes te pacientët me hipertension ose me shenja të reduktimit të perfuzionit palcentar.
Përdorimi i shpeshtë dhe i zgjatur mund të reduktojë perfuzionin placentar.
Nuk dihet nëse oksimetazolina kalon në qumështin e gjirit, prandaj nuk duhet të përdoret gjatë ushqyerjes me gji.
Ndër efektet anësore më të zakonshme përmendim:

– djegie dhe tharje të mukozës nazale;
– tështima.
Përpara përdorimit të këtij bari lexoni me kujdes fletëudhëzuesin e pranishëm në paketim, pasi ai përmban një informacion më të detajuar.
Për çdo paqartësi këshillohuni me mjekun ose farmacistin tuaj.