Betadina është një solucion me veti pastruese dhe dezinfektuese.
Përmban si lëndë vepruese povidonin e jodit, një kompleks i përbërë nga polivinilpirrolidoni dhe jodi.
Ky kompleks është jodofor, pra polivinilpirrolidoni vepron si transportues i jodit.
Në kontakt me lëkurën, jodi çlirohet gradualisht dhe vepron kundër baktereve, viruseve, myqeve, protozoarëve dhe sporeve.
Veprimi është i menjëhershëm dhe zgjat më shumë se preparatet e tjera të jodit.
Indikimet:

- Dezinfektim i lëkurës dhe membranave mukoze (përfshihet dhe membrana vaginale) për ndërhyrje kirurgjikale, injektime ose apirime.
- Dezinfektim i plagëve, parandalim i infektimit të djegieve, prerjeve apo lezioneve të tjera lokale.
- Trajtimi i infeksioneve kirurgjikale, infeksioneve të lezioneve si pasojë e traumave, trajtimi i plagëve dekubituese, piodermës, dermatozës dytësore të infektuar dhe djegieve të shkallës 2 dhe 3.
Kundërindikimet:

- nëse keni reaksion alergjik nga povidon-jodi;
- nëse vuani nga hipertiroidizmi;
- nëse vuani nga sëmundja dermatitis herpetiformis-Duhring.
Tretësira me betadinë nuk duhet të përdoret para ose pas radioterapisë.
Përpara përdorimit të këtij bari lexoni me kujdes fletëudhëzuesin e pranishëm në paketim, pasi ai përmban një informacion më të detajuar.
Për çdo paqartësi këshillohuni me mjekun ose farmacistin tuaj.