Oleovit përmban substancën aktive kolekalçiferol (vitaminë D3).
Përdoret:

- për parandalimin dhe trajtimin e mungesës së vitaminës D;
- për trajtimin e rakitizmit (një gjendje që ndikon në zhvillimin e kockave tek fëmijët);
- si terapi ndihmëse për trajtimin e osteoporozës tek pacientët që rrezikohen nga mungesa e vitaminës D3.
Mos përdorni vitaminë D3 nëse:

-jeni alergjik nga cholecalciferoli ose nga ndonjë substancë tjetër e pranishme në këtë formulim;
-nëse vuani nga ndonjë sëmundje e cila çon në nivele të larta të kalçiumit në gjak dhe/ose në urinë;
-nëse keni tendencë për të krijuar gurë në veshka;
-nëse keni mbidozim të vitaminës D;
-nëse vuani nga arteroskleroza;
-nëse vuani nga sëmundje të veshkave.
Shtatzënia dhe ushqyerja me gjiNëse jeni shtatzënë, ushqeni me gji ose po planifikoni një shtatzëni, këshillohuni me mjekun tuaj përpara se të merrni këtë medikament.
ShtatzëniaDuhet të ndiqet me saktësi doza që ka rekomanduar mjeku juaj pasi një mbidozim i vitaminës D tek nëna shtatzënë mund të çojë në vonesë mendore dhe fizike, probleme me zemrën dhe sytë tek fëmija.
Ushqyerja me gjiVitamina D dhe metabolitët e saj kalojnë në qumështin e gjirit, megjithatë nuk është vënë re një mbidozim i vitaminës D tek foshnjët.
Marrja e vitaminës D tek nënat që ushqejnë me gji duhet marrë parasysh nëse dhe foshnjët janë duke duke përdorur suplemente të vitaminës D.
Ky është një medikament OTC, kështu që mund të merret pa rekomandimin e mjekut.
Përpara se të përdorni këtë medikament, lexoni me kujdes fletë-udhëzuesin që gjendet në paketim pasi përmban informacion më të detajuar.
Për çdo paqartësi konsultohuni me mjekun ose farmacistin tuaj.

Me përjashtim të rasteve kur rekomandohet ndryshe, ndiqni udhëzimet e mëposhtme në lidhje me sasinë e Oleovit D3 qe duhet të përdorni:
a)Parandalimi i defiçiencës së vitaminës D:
-për neonatët, bebet dhe fëmijët duke nisur që nga java e dytë pas lindjes dhe deri në 3 vjeç, rekomandohet të konsumohen 1-2 pika në ditë;
-fëmijët nga 4 vjeç e sipër dhe adoleshentët, rekomandohet të konsumohen 1-3 pika në ditë;
-të rriturit nga 19 deri në 70 vjeç, rekomandohet të konsumohen 2-4 pika në ditë.
b)Trajtimi i rakitizmit:
Sasia e vitaminës D e nevojshme varet nga shkalla e ashpërsisë së sëmundjes.
Trajtimi fillon me një dozë më të lartë konsumimi të vitaminës D.
Doza mbajtëse është zakonisht 2 deri në 12 pika në ditë.
c)Trajtimi i defiçiencës së vitaminës D3:
Doza e zakonshme është:
-për fëmijët dhe adoleshentët rekomandohet të konsumohen 5 pika në ditë për 6 javë dhe më pas 1-3 pika në ditë:
-për të rriturit nga 19-70 vjeç dhe njerëzit mbi 70 vjeç, rekomandohet të konsumohen 15 pika në ditë për 8 javë, më pas 3-5 pika në ditë.
d)si terapi bashkëshoqëruese për trajtimin e osteoporozës për personat mbi 19 vjeç, rekomandohet të konsumohen 2-4 pika në ditë ose 14-26 pika në javë.
Pikat duhet të pihen ashtu siç janë:
hidhen direkt në gojë.
Në disa raste mund të hidhen në një lugë dhe të përzjehen me pak lëng.

Cholecalciferol (vitamin D3)Medium-chain triglycerides