Algofen përdoret për lehtësimin e dhimbjes së kokës (e shkaktuar nga faktorë të ndryshëm), migrenës, dhimbjes së shpinës, dhimbjeve reumatike dhe muskulore, dhimbjeve të dhëmbëve dhe dhimbjeve gjatë ciklit mendtrual.
Ai gjithashtu lehtëson dhimbjet e fytit dhe ethet, dhimbjet e trupit gjatë gripit, si dhe rekomandohet për lehtësimin e dhimbjeve të artritit të lehtë.
Përbërësi aktiv është paracetamoli, i cili është një bar me veti antipiretike (ul temperaturën) dhe analgjezike (qetëson dhimbjen).
Mos merrni Algofen:

-nëse jeni alergjik ndaj paracetamolit ose ndonjërit prej përbërësve të tjerë të kësaj tablete;
-nëse jeni duke marrë barna të tjera që përmbajnë paracetamol.
Këshillohuni me mjekun ose farmacistin tuaj përpara se të merrni Algofen nëse:

- ju keni sëmundje të mëlçisë ose veshkave, duke përfshirë sëmundjen alkoolike të mëlçisë;
-ju vuani nga artriti i lehtë dhe keni nevojë të merrni qetësues çdo ditë.
Shtatzënia dhe ushqyerja me gjiNëse jeni shtatzënë ose ushqeni me gji, mendoni se mund të jeni shtatzënë ose po planifikoni një shtatzëni, pyesni mjekun tuaj për këshilla përpara se të merrni këtë medikament.
Nëse është e nevojshme, Algofen mund të përdoret gjatë shtatzënisë.
Ju duhet të përdorni dozën më të ulët për kohën më të shkurtër të mundshme.
Ju mund ta merrni këtë medikament gjatë kohës që ushqeni me gji.
Ky është një medikament OTC, kështu që mund të merret pa rekomandimin e mjekut.
Përpara se të përdorni këtë medikament, lexoni me kujdes fletë-udhëzuesin që gjendet në paketim pasi përmban informacion më të detajuar.
Për çdo paqartësi konsultohuni me mjekun ose farmacistin tuaj.