Indikimet terapeutike:

Agjent mukolitik dhe fluidifikues në sëmundjet akute dhe kronike të sistemit të frymëmarrjes.
Kundërindikimet:

-Hipersensitiviteti ndaj substancës aktive ose ndaj ndonjërit prej përbërësve të tjerë të pranishëm në formulim.
-Ulçera gastro-duodenale.
-Shtatzënia dhe ushqyerja me gji.
Përkujdesje në përdorim:

Mucostar me bustina përmban saharozë.
Pacientët me probleme gjenetike të rralla të intolerancës ndaj fruktozës, keqpërthithjes së glukozës-galaktozës, ose pamjaftueshmërisë së sukrazë izomaltazës, nuk duhet të marrin këtë medikament.
Shtatzënia dhe ushqyerja me gji:

Në provat klinike në kafshë nuk është parë efekt teratogjenik ose mutagjenik.
Nuk ka të dhëna dhe studime për përdorimin e bustinave Mucostar gjatë shtatzënisë prandaj, përdorimi i këtij medikamenti është i kundërindikuar gjatë shtatzënisë.
Meqenëse nuk ka të dhëna të disponueshme për kalimin e karbocisteinës në qumështin e gjirit, përdorimi i këtij medikamenti është i kundërindikuar gjatë ushqyerjes me gji.
Efekte të mundshme anësore:

Ndër efektet anësore përmendim marrje mendsh dhe problemet me tretjen (gastralgji, nauze, diarre).
Në këto raste është e nevojshme të zvogëlohet doza ose të ndërpritet terapia me Mucostar.
Përveç kësaj, mund të shfaqen reaksione në lëkurë, eritema dhe reaksione anafilaktike.
Në raste të tilla ndaloni trajtimin dhe konsultohuni me mjekun tuaj për të gjetur një terapi më të përshtatshme.
Ky është një medikament OTC, kështu që mund të merret pa rekomandimin e mjekut.
Përpara se të përdorni këtë medikament, lexoni me kujdes fletë-udhëzuesin që gjendet në paketim pasi përmban informacion më të detajuar.
Për çdo paqartësi konsultohuni me mjekun ose farmacistin tuaj.