Desloratadina është një antagonist i histaminës me veprim të zgjatur, pa veti sedative (qetësuese) dhe me një veprim përzgjedhës ndaj receptorëve H1 periferikë.
Pas marrjes nga goja, bllokon në mënyrë përzgjedhëse vetëm receptorët H1 periferikë, pasi ajo nuk është në gjendje që të depërtojë në sistemin nervor qendror.
Desloratadina në studimet in vitro ka treguar veprime antialergjike.
Lordes indikohet për:

-lehtësimin e simptomave që shoqërojnë rinitin alergjik;
-trajtimin simptomatik të kruarjeve, pakësimin e numrit të shfaqjeve të urtikaries në lëkurë, si dhe të madhësisë së tyre, në pacientët me urtikarie kronike idiopatike.
Lordes kundërindikohet te personat/fëmijët që kanë mbindjeshmëri ndaj lëndës vepruese, ndaj lëndëve të tjera përbërëse të shurupit, ose ndaj loratadinës.
Ndërveprime me barna të tjerëNë studimet klinike ku desloratadina (tableta) është përdorur njëkohësisht me eritromicinën ose ketokonazolin, nuk janë vërejtur ndërveprime klinikisht të rëndësishme.
Në një studim të farmakologjisë klinike ku desloratadina (tableta) është përdorur njëkohësisht me alkoolin, nuk është vërejtur ndonjë fuqizim i efekteve dëmtuese të alkoolit mbiperfomancën e saj.
Ndër efektet anësore më të shprehura përmendim:

-diarre;
-ethe;
-pagjumësi.
Ky është një medikament OTC, kështu që mund të merret pa rekomandimin e mjekut.
Përpara se të përdorni këtë medikament, lexoni me kujdes fletë-udhëzuesin që gjendet në paketim pasi përmban informacion më të detajuar.
Për çdo paqartësi konsultohuni me mjekun ose farmacistin tuaj.