Paracetamoli përdoret si antipiretik (për uljen e temperaturës në gjendjet me ethe) dhe analgjezik në dhimbjet me intensitet të ulët ose mesatar, me lokalizime të ndryshme (dhimbje koke, dhimbje dhëmbi, nevralgji, mialgji, dhimbje menstruale, dhimbje post-traumatike e post-operatore).
Mos merrni Paracetamol nëse keni:

-mbindjeshmëri ndaj paracetamolit;
-dëmtim të rëndë të funksionit të mëlçisë dhe të veshkave;
-dëmtime të kokës dhe të trurit;
-tension të lartë intrakranial;
-çrregullime të frymëkëmbimit;
-pamjaftueshmëri gjenetike të glukozë-6-fosfatdehidrogjenazës.
Shtatzënia dhe ushqimi me gjiParacetamoli përdoret gjatë shtatzënisë vetëm në ato raste kur e këshillon mjeku juaj.
Duhet të dini se paracetamoli kalon në qumështin e gjirit, prandaj marrja e tij gjatë ushqyerjes me gji bëhet kur është vërtet e nevojshme, me një dozë sa më të vogël dhe për një kohë sa më të shkurtër.
Efekte anësoreSi të gjithë barnat e tjera, edhe paracetamoli mund të shkaktojë efekte anësore, megjithëse jo çdokush i manifeston ato.
Në raste të rralla shfaqen:

- reaksione alergjike në lëkurë;
-anemi hemolitike, neutropeni, leukopeni, pancitopeni, trombocitopeni;
ikter dhe hipoglicemi.
Në qoftë së ndonjë prej efekteve anësore përkeqësohet, ose në qoftë se vëreni efekte anësore që nuk përmenden në këtë fletëudhëzues, ju lutemi te lajmeroni mjekun ose farmacistin tuaj.
Medikamenti i mësipërm është një bar OTC, pra mund të merret pa rekomandim nga mjeku.
Përpara përdorimit të këtij medikamenti lexoni me kujdes fletëudhëzuesin e pranishëm në paketim, pasi ai përmban një informacion më të detajuar.
Për çdo paqartësi këshillohuni me mjekun ose farmacistin tuaj.