Espumisan është një bar gastrointestinal, i cili vepron si agjent kundër krijimit të bulëzave të gazrave dhe, për këtë arsye gjen përdorim si mjet ndihmës në ekzaminimet diagnostike.
Përdorimet:

- Për trajtimin simptomatik të ankesave gastrointestinale të cilat lidhen me krijimin e shtuar të gazrave, si p.
sh.
flatulenca apo meteorizmi (fryrja e barkut nga gazrat dhe nxjerrja e tepruar e tyre) dhe kolikat abdominale të foshnjave (dhimbjet e barkut të muajit të tretë);
- Për përgatitjen e të sëmurëve që do t’i nënshtrohen ekzaminimeve me rreze X ( radiografike), sonografike (Eko) ose gastroskopike në regjionin abdominal (organeve të barkut);
- Si agjent kundër krijimit të bulëzave të gazrave në rastet e helmimit me lëndë detergjente.
Mos përdorni Espumisan®:

- Në rast se jeni të mbindjeshëm (alergjikë) ndaj simetikonit apo ndaj ndonjërit prej përbërësve të tjerë të produktit.
Shtatzënia dhe ushqyerja me gjiNuk ka ndonjë kufizim për përdorimin e Espumisan®gjatë shtatzënisë dhe në periudhën e ushqyerjes me gji të foshnjës.
Deri tani nuk janë vënë re efekte të padëshiruara që të kenë lidhje me përdorimin e Espumisan®.
Ky është një medikament OTC, kështu që mund të merret pa rekomandimin e mjekut.
Përpara se të përdorni këtë medikament, lexoni me kujdes fletë-udhëzuesin që gjendet në paketim pasi përmban informacion më të detajuar.
Për çdo paqartësi konsultohuni me mjekun ose farmacistin tuaj.