Kremi Histergan rekomandohet të përdoret për gjendje të lehta alergjike të lëkurës (irritim, skuqje, kruarje, pickim nga insektet etj).
Përbërësi aktiv (veprues) është hidrokloruri i difenhidraminës, njw medikament antihistaminik, i cili pakëson inflamacionin e shkaktuar nga histamina.
Kundërindikimet- Mos përdorni Histergan krem nëse jeni alergjik nga ndonjëri prej përbërësve të pranishëm në formulim.
- Mos aplikoni Histergan krem në lëkurë në zonën e prekur nga ekzema (për personat që vuajnë nga ekzema), në plagë, në lëkurë të çarë ose në lëkurë të infektuar.
- Mos përdorni Histergan krem në të njëjtën kohë me produkte të tjera që përmbajnë difenhidraminë.
- Mos përdorni Histergan krem te fëmijët nën 6 vjeç.
Histergan krem konsiderohet i sigurt për gratë shtatzëna dhe ato që ushqejnë me gji, megjithatë duhet të këshilloheni gjithmonë me mjekun tuaj përpara se ta përdorni kremin në këto situata.
Të gjithë medikamentet mund të shkaktojnë efekte anësore, pavarësisht se jo të gjithë mund ti manifestojnë ato.
Ndër efektet anësore që mund të shkaktojë Histergani krem përmendim:

- Reaksione alergjike, p.
sh.
skuqje të lëkurës dhe/ose enjtje në ose afër vendit të aplikimit.
- Lëkura mund të bëhet e ndjeshme ndaj dritës së diellit.
- Rrallë mund të shfaqet ekzemë.
Nëse ju shfaqet një efekt anësor që nuk është i listuar më sipër, ndërprisni përdorimin dhe kërkoni këshillën e mjekut ose farmacistit tuaj.
Përpara përdorimit të këtij bari lexoni me kujdes fletëudhëzuesin e pranishëm në paketim, pasi ai përmban një informacion më të detajuar.
Për çdo paqartësi këshillohuni me mjekun ose farmacistin tuaj.