Agelmin 10 mg (cetirizinë)

Agelmin përmban dihidroklorid cetirizine, i cili i përket një grupi barnash të quajtura antihistaminikë.
Cetirizina përdoret tek të rriturit dhe fëmijët mbi 6 vjeç për:

-të lehtësuar simptomat që lidhen me rinitin alergjik sezonal dhe kronik, si:

tështimat, hundët e irrituara, hundët e bllokuara, kruarjen, skuqjen dhe lotimin e syve.
-të lehtësuar simptomat e urtikaries idiopatike kronike (enjtje, skuqje dhe kruarje e lëkurës).
Mos përdorni Agelmin nëse:

-keni probleme të rënda të veshkave (dëmtim i rëndë i veshkave me filtrim të kreatininës më pak se 10ml/min).
-jeni alergjik nga lëndës aktive apo ndonjërës nga lëndët ndihmëse të pranishme në formulim, nga derivatet e piperazinës apo hidroksizinës.
-keni probleme të rralla të trashëguara të intolerancës ndaj galaktozës, mungesës së laktazës LAPP ose keqabsorbimit të glukozë-galaktozës.
Shtatzënia dhe ushqyerja me gjiNuk sugjerohet përdorimi i Agelmin gjatë shtatzënisë.
Duke qënë se cetirizina ekskretohet në qumështin e gjirit, administrimi i Agelmin gjatë ushqyerjes me gji është i kundërindikuar.
Ushqimi nuk ndikon ndjeshëm në përthithjen e cetirizinës.
Si të gjitha barnat dhe cetirizina mund të shkaktojë efekte anësore, dhe pse jo të gjithë njerëzit i manifestojnë ato.
Ndër efektet anësore më të zakonta përmendim:

-lodhje;
-tharje e gojës;
-të vjella;
-diarre;
-dhimbje koke;
-përgjumje.
Ky është një medikament OTC, kështu që mund të merret pa rekomandimin e mjekut.
Përpara se të përdorni këtë medikament, lexoni me kujdes fletë-udhëzuesin që gjendet në paketim pasi përmban informacion më të detajuar.
Për çdo paqartësi konsultohuni me mjekun ose farmacistin tuaj.