Apotel 120 mg/5 ml (paracetamol)

Paracetamoli ka veti antipiretike dhe analgjezike.
Indikimet:

-trajtimi i dhimbjeve reumatike, dhimbjeve muskulare, neuralgji, dhimbje koke, dhimje dhëmbi, dhimbje menstruacionesh;
-ethe (pakëson temperaturën).
Kundërindikimet:

-mbindjeshmëria ndaj paracetamolit ose ndonjërit prej përbërësve të tjerë të pranishëm në formulim;
-insufiçiencë e rëndë renale apo hepatike;
-nefrolitiazë.
Efektet anësore:

Në doza standarte terapeutike pothuajse nuk ka efekte anësore.
Në raste të rralla shfaqen reaksione mbindjeshmërie që shkaktojnë skuqje të lëkurës apo eritemë.
Në këtë rast mjekimi duhet të ndërpritet.
Në rastet e administrimit kronik ose marrjes së dozave të mëdha janë raportuar probleme të lehta të stomakut, anemi hemolitike, agranulocitozë, metemoglobinemi, skuqje të lëkurës, urtikarie, ethe, hipoglicemi, stimulim i SNQ, përgjumje, purpura trombocitopenike.
Ky është një medikament OTC, kështu që mund të merret pa rekomandimin e mjekut.
Përpara se të përdorni këtë medikament, lexoni me kujdes fletë-udhëzuesin që gjendet në paketim pasi përmban informacion më të detajuar.
Për çdo paqartësi konsultohuni me mjekun ose farmacistin tuaj.