Cetirizina ABC 10 mg (cetirizinë)

Cetirizina ABC është një medikament që përmban si lëndë aktive dihidrokloridin e cetirizinës, një medikament antihistaminik, me veprim antialergjik dhe derivat i piperazinës.
Dihidrokloridi i cetirizinës përdoret tek të rriturit dhe fëmijët mbi 6 vjeç:

-për trajtimin e simptomave nazale dhe okulare të shkaktuara nga riniti alergjik;
-për trajtimin e simptomave të shkaktuara nga urtikaria idiopatike kronike.
Mos përdorni cetirizinë nëse:

-keni mbindjeshmëri nga cetirizina apo nga ndonjëri prej përbërësve të tjerë në formulim, nga hidroksizina apo nga derivatet e piperazinës.
-keni një filtrim të kreatinës nën 10 ml/min, pra nëse keni dëmtim të rëndë të veshkave.
Në sajë të vetive farmakokinetike, farmakodinamike dhe profilit të sigurt, nuk janë vënë re ndërveprime të këtij bari.
Në studimet e shumta ku është bashkë-administruar me barna të tjerë nuk janë vënë re ndërveprime.
Shtatzënia dhe ushqyerja me gjiKëshillohuni me mjekun tuaj përpara përdorimit të çdo medikamenti.
Përdorimi i cetirizinës gjatë shtatzënisë duhet të shmanget.
Nëse jeni duke ushqyer me gji, mos përdorni Cetirizinë, pasi eleminohet në qumështin e gjirit.
Ky është një medikament OTC, kështu që mund të merret pa rekomandimin e mjekut.
Përpara se të përdorni këtë medikament, lexoni me kujdes fletë-udhëzuesin që gjendet në paketim pasi përmban informacion më të detajuar.
Për çdo paqartësi konsultohuni me mjekun ose farmacistin tuaj.