Vitamine B1 10 mg

Vitamina B1 bën pjesë në grupin e vitaminave të tretshme në ujë, ndonëse disa rrjedhës të saj kanë një farë lipofiliciteti.
Funksionet themelore të klorhidratit të tiaminës janë:

– metabolizmi i karbohidrateve;
– zhvillimi normal i organizmit;
– përçimi i impulseve nervore;
– sinteza e acetilkolinës.
Tiamina është thelbësore për metabolizmin aerob normal.
Ajo merr pjesë në sintezën e ATP.
Tiaminë pirofosfati është forma vepruese e tiaminës.
Pamjaftueshmëria e tiaminës shfaqet kur ajo nuk merret në sasi të konsiderueshme nëpërmjet ushqimit.
Pamjaftueshmëria e rëndë shkakton sëmundjen e beriberit, e cila shkaktohet me çrregullime gastro-intestinale dhe neuropati periferike.
Përdoret:

-si profilaksi ose mjekim i pamjaftueshmërisë së tiaminës;
-si profilaksi e sindromit ëernicke-Korsakoff;
-si mjekim për kolitin ulçeroz, diarrenë kronike, sindromin cerebral, polineuritin, si dhe për të shtuar oreksin.
Mos merrni vitaminë B1 nëse keni mbindjeshmëri ndaj tiaminës ose ndaj ndonjërit prej përbërësve të tjerë të këtij formulimi.
Shtatzënia dhe ushqyerja me gjiNuk rekomandohet marrja e vitaminës B1 gjatë shtatzënisë, pasi sasia që merret me dietën ushqimore është e mjaftueshme.
Vitamina B1 mund të përdoret gjatë ushqyerjes me gji.
Ky është një medikament OTC, kështu që mund të merret pa rekomandimin e mjekut.
Përpara se të përdorni këtë medikament, lexoni me kujdes fletë-udhëzuesin që gjendet brenda në paketim pasi përmban informacion më të detajuar.
Për çdo paqartësi konsultohuni me mjekun ose farmacistin tuaj.