Moringa Oleifera!
Keni dëgjuar për Moringa Oleifera? – Njihuni me “superushqimin” më të ri.
Moringa Oleifera është një bimë që e ka origjinën në zonën ekuatoriale. Prej mijëra vitesh është përdorur për vetitë e saj çudibërëse, ushqyese dhe kuruese. Është quajtur ndryshe edhe si ” Pema e mrekullisë”.
E pasur me antioksidantë, proteina, vitamina dhe minerale në sasi të mëdha, kjo bimë është konsideruar si një ilaç natyror për më shumë se 300 lloje sëmundjesh.
Gjethet e Moringës përmbajnë:
- më shumë vitaminë A se karrotat,
- më shumë vitaminë C se portokallet,
- më shumë kalçium dhe proteina se qumështi,
- më shumë kalium se bananet.
Kur ka filluar të përdoret Moringa Oleifera?
Që në lashtësi, gjethet, rrënjët, farat dhe lulet janë përdorur për të shëruar një sërë sëmundjesh si:
- çrregullimet e stomakut,
- diabetin,
- astmën bronkiale,
- artritin,
- epilepsinë,
- çrregullimet e gjëndrës tiroide,
- anemitë,
- sëmundjet neurodegjerative,
- infeksionet bakteriale, virale dhe mykotike.
Studime të shumta kanë vërtetuar efektet pozitive të Moringës në:
- funksionimin e mëlçisë,
- lëkurën dhe flokët,
- kockat,
- sistemin kardiovaskular,
- funksionimin e veshkave,
- të sistemit imunitar,
- shëndetin e syve,
- parandalimin e sëmundjeve tumorale.
Pse Moringa Oleifera ka kaq shumë benefite?
Moringa plotëson nevojat e organizmit me shumë lëndë ushqyese, siç janë proteina, fibra, vitamina dhe minerale, përfshirë edhe disa aminoacide esenciale që trupi nuk i prodhon dot por duhet t’i sigurojë nëpërmjet ushqimit.
Kjo bimë përmban lëndë me veti anti-oksidante dhe anti-inflamatore, ndër të cilat edhe vitaminë C në sasi të madhe. Pikërisht këtyre lëndëve i atribuoen vetitë anti-plakje të të moringës, efekti i forcimit të sistemit imunitar e ai anti-kancerogjen dhe parandalimi i sëmundjeve kardiovaskulare.
Vitamina C:
Ndikon në eleminimin e radikaleve të lira dhe merr pjesë në sintezën e kolagjenit, proteinës më të rëndësishme në organizmin tonë, që gjendet në lëkurë, kocka, muskuj, enë gjaku & kërce. Ajo nxit prodhimin e qelizave të bardha të gjakut dhe njëkohësisht pengon formimin e nitrosaminës, një lëndë kancerogjene që formohet nga substanca si nitritet dhe nitratet, gjithashtu lëndë kancerogjene, të gjendura te ushqimet e kontaminuara, duhani etj.
Vitaminat e grupit B:
Në sajë të vitaminave të grupit B që përmban, Moringa nxit metabolizmin në organizëm, duke ndikuar pozitivisht në rënien në peshë dhe kontrollin më të mirë të saj.
Hekur:
Përmbajtja e hekurit në gjethet e moringës, së bashku me vitaminën C dhe vitaminat B, që stimulojnë përthithjen e hekurit dhe prodhimin e rruazave të kuqe sjell një efekt antianemik thelbësor për organizmin.
Vitamina K:
I jep Moringës vetitë e saj koagulante, të dobishme në rastet e hemorragjisë dhe efektin pozitiv në parandalimin e osteoporozës, si pasojë e nxitjes së metabolizmit në nivel kockor dhe depozitimit të kalçiumit në kocka.
Për të gjitha këto vetitë e saj ushqyese dhe kurative Moringa e meriton cilësimin “superushqim” dhe këshillohet të përfshihet në dietën ushqimore të fëmijëve dhe të të rriturve, pa asnjë efekt anësor të provuar deri tani.
