Përbërësi aktiv:

ibuprofenIndikimetBrufeni indikohet për efektet analgjezike dhe anti-inflamatore në trajtimin e artritit reumatoid (përfshihet dhe artriti reumatoid Juvenil ose sëmundja Still), osteoartritit, spondilit ankilozant ose artropati të tjera jo reumatizmale.
Në trajtimin e sëmundjeve reumatike jo-artikulare, Brufeni indikohet në rastet e kapsulitit (ngrirja e shpatullës), bursitit, tendinitit, dhimbjes së mesit, ndrydhjet apo sforcimet.
Brufeni për shkak të efektit analgjezik indikohet të përdoret në rastet e dhimbjeve të lehta në të moderuara si dhimbje menstruale, dhimbje dhëmbi, dhimbje koke, migrenë.
KundërindikimetBrufeni kundërindikohet të përdoret tek pacientët që kanë mbindjeshmëri nga lënda aktive apo lëndët ndihmëse.
Nuk duhet të përdoret nga persona që kanë patur më herët reaksion mbindjeshmërie nga ibuprofeni, aspirina ose anti-inflamatorë jo-steroidë të tjerë.
Brufeni kundërindikohet te personat që kane histori të perforimit ose hemorragjive gastro-intestinale, të lidhura me marrjen e anti-inflamatorëve josteroidë të tjerë.
Brufeni nuk duhet të përdoret te pacientët me ulçer aktive, ulçer të përsëritur ose që kanë hemorragji gastro-intestinale.
Brufeni nuk duhet të merret nga personat që bëjnë shpesh episode hemorragjie.
Ai është i kundërindikuar te personat me insufiçencë kardiake, insufiçencë hepatike apo renale.
Kundërindikohet të përdoret në tremujorin e tretë të shtatzënisë.
Brufeni eleminohet në sasi të vogël në qumështin e gjirit, prandaj nëse është e mundur përdorimi i tij gjatë ushqyerjes me gji duhet të shmanget.
Efektet anësoreSi të gjithë barnat e tjerë dhe Brufen mund të çojë në shfaqjen e efekteve anësore dhe pse jo të gjithë i manifestojnë ato.
Ndër efektet anësore më të shprehura përmendim:

a) efektet në traktin gastro-intestinal:

ulçerë peptike, perforim, hemorragji gastro-intestinale në disa raste dhe fatale mund të ndodhin.
Të përzjera, të vjella, diarre, fryrje, konstipacion, dispepsi, dhimbje abdominale, melaena, hemorragji intestinale, gastrit, ulçer duodenale, ulçer gastrike janë vënë re të ndodhin.
b) efektet në sistemin imunitar:

janë shfaqur reaksione mbindjeshmërie mbas konsumimit të AIJS-ve.
Konsistojnë në reaksione alergjike jospecifike dhe anafilaktike, reaksione në traktin respirator (astmë e rënduar, bronkospazma, dispne), çrregullime në lëkurë (kruarje, urtikarie, purpur, angioedemë dhe shumë rrallë eritemë multiformë, sindroma Steven-Johnson dhe nekrozë epidermale).
c)efekte në sistemin kardiovaskular dhe vaskular:

edemë, hipertension, insufiçencë kardiake.
Ibuprofeni metabolizohet në mëlçi dhe eleminohet nëpërmjet veshkës.
Medikamenti i mësipërm është një bar OTC, pra mund të merret pa rekomandim nga mjeku.
Përpara përdorimit të këtij medikamenti lexoni me kujdes fletëudhëzuesin e pranishëm në paketim, pasi ai përmban një informacion më të detajuar.
Për çdo paqartësi këshillohuni me mjekun ose farmacistin tuaj.

Të rriturit dhe fëmijët mbi 12 vjeç:
Doza e rekomanduar e Brufenit është 1200-1800 mg në ditë e ndarë në 3 ose 4 administrime.
Në disa pacientë doza mbajtëse është 600-1200 mg në ditë.
Në raste të rënda ose akute (të menjëhershme) doza mund të rritet derisa të stabilizohet situata, por kurrsesi nuk duhet të kalohet doza ditore prej 2400 mg në ditë, në administrime të ndara.
Për fëmijët dozimi bëhet duke u bazuar në peshën trupore (20mg/kg peshë).
Për fëmijët ekzistojnë formulime të tjera më të përshtatshme.
Në artritin Reumatoid Juvenil mund të merren dhe 40mg/kg peshë trupore në ditë, e ndarë kjo në disa administrime.
Të moshuarit janë më të rrezikuarit nga efektet anësore.
Nëse është i nevojshëm përdorimi i anti-inflamatorëve josteroidë, duhet të përdoret doza më e ulët për një kohë sa më të shkurtër.
Pacienti duhet të monitorohet vazhdimisht për hemorragji në traktin gastro-intestinal.
Nëse pacienti ka dëmtim të funksionit të veshkave ose të mëlçisë, duhet të përcaktohet dozë individuale.

Ibuprofen, Microcrystalline cellulose, Croscarmellose sodium, Lactose monohydrate, Colloidal anhydrous silica, Sodium laurilsulfate, Magnesium stearate, Extragranular excipients:
Opaspray white M-1-7111B*, Dry colour dispersion, white 06A28611**, *Opaspray white M-1-7111B comprises industrial methylated spirit, purified water, hypromellose 2910 and titanium dioxide** or combination of Opaspray white M-1-7111B, hypromellose and talcNB industrial methylated spirit and purified water are removed during the drying process