Ibudol është një solucion oral, me përmbajtje ibuprofeni, që mund të konsumohet direkt siç është ose i tretur në ujë.
Ibuprofeni, përbërësi aktiv në këtë formulim, vepron duke pakësuar dhimbjen dhe temperaturën.
Përdoret tek të rriturit dhe adoleshentët mbi 12 vjeç, për lehtësimin simptomatik të dhimbjeve të herëpashershme të lehta ose të moderuara (dhimbje koke, dhimbje dhëmbi, dheimbje menstruale, dhimbje muskulare, dhimje mezi) si dhe për uljen e temperaturës.
Mos merrni Ibudol:

-Nëse jeni alergjik ndaj ibuprofenit, barnave të tjera anti-inflamatore josteroide (NSAIDs), aspirinës ose ndonjërit prej përbërësve të tjerë të këtij formulimi.
Reaksionet që tregojnë alergji mund të jenë:

skuqje, kruajtje, enjtje e fytyrës, buzëve ose gjuhës, rrjedhje hundësh, vështirësi në frymëmarrje ose astmë.
-Nëse keni sëmundje të rënda të mëlçisë ose veshkave.
-Nëse keni pasur një ulçerë ose gjakderdhje në stomak ose duoden, ose keni pësuar një perforim të sistemit tretës.
-Nëse villni gjak.
-Nëse keni jashtëqitje të zeza ose diarre me gjak.
-Nëse vuani nga gjakderdhje ose çrregullime të koagulimit të gjakut, ose jeni duke marrë antikoagulantë (barna që përdoren për të "holluar" gjakun).
Nëse është i nevojshëm përdorimi i barnave antikoagulante në të njëjtën kohë me ibuprofenin, mjeku do të kryejë paraprakisht analizat për koagulimin e gjakut dhe më pas të bëjë rekomandimin përkatës.
-Nëse keni insuficiencë të rëndë të zemrës.
-Nëse jeni në tremujorin e tretë të shtatzënisë.
Shtatzënia,ushqyerja me gji dhe fertilitetiNëse jeni shtatzënë ose ushqeni me gji, mendoni se mund të jeni shtatzënë ose po planifikoni të keni një fëmijë, pyesni mjekun ose farmacistin tuaj përpara se të përdorni këtë medikament.
Për shkak të faktit se administrimi i këtij medikamenti është shoqëruar me një rrezik të shtuar të anomalive/aborteve kongjenitale, administrimi i tij nuk rekomandohet gjatë tremujorit të parë dhe të dytë të shtatzënisë, përveç rasteve kur konsiderohet rreptësisht e nevojshme.
Në këto raste doza dhe kohëzgjatja do të kufizohen në minimumin e mundshëm.
Në tremujorin e tretë, administrimi është kundërindikuar.
Duhet theksuar se konsumimi i ibuprofenit në disa raste është shoqëruar me ulje të aftësisë për të mbetur shtatzënë.
Megjithëse nivelet e barit në qumështin e gjirit janë të papërfillshme, rekomandohet konsultimi me mjekun në trajtime afatgjata ose me doza të larta gjatë ushqyerjes me gji.
Ky është një medikament OTC, kështu që mund të merret pa rekomandimin e mjekut.
Përpara se të përdorni këtë medikament, lexoni me kujdes fletë-udhëzuesin që gjendet në paketim pasi përmban informacion më të detajuar.
Për çdo paqartësi konsultohuni me mjekun ose farmacistin tuaj.