Fastum xhel ka në përmbajtje ketoprofen dhe i përket grupit të barnave AIJS.
Këto barna kanë veti të ulin inflamacionin dhe të qetësojnë dhimbjen.
Fastum xheli përdoret për të qetësuar dhimbjen që vjen nga dëmtimi i indeve të buta, nga ndrydhjet dhe nga tërheqjet muskulore.
Fastum xhel nuk duhet të përdoret tek fëmijët nën 12 vjeç.
Mos e përdorni Fastum xhel nëse:

-jeni alergjik nga ketoprofeni ose nga ndonjë substancë tjetër e pranishme në formulim.
-keni pësuar ndonjëherë ndonjë reaksion mbindjeshmërie nga drita - një reaksion jonormal i shkaktuar në lëkurë nga drita e diellit, që duket si djegie.
-jeni alergjikë nga kremërat që pengojnë rrezatimin UV ose nga parfumet.
-nëse jeni alergjikë nga aspirina ose barna të tjerë AIJS ose medikamente të cilët qetësojnë dhimbjen ose ulin inflamacionin si acidi tiaprofenik.
-nëse jeni alergjikë nga fenofibrati (medikament që përdoret për të ulur nivelin e kolesterolit në gjak).
-si pasojë e aspirinës ose barnave të tjerë të grupit AIJS keni përjetuar astmë, rinit ose skuqje dhe kruarje të lëkurës.
-keni ekzemë, akne apo plagë pasi nuk i trajton ato.
-zona ku do aplikohet xheli është zona rreth syve.
-jeni shtatzënë ose ushqeni me gji.
Ndaloni së përdoruri Fastum xhel nëse ndodh ndonjë reaksion alergjik në lëkurë, duke përfshirë dhe reaksionet që mund të ndodhin si pasojë e përdorimit të njëkohshëm me produkte që përmbajnë octocrylene (substancë e cila gjendet në disa produkte kozmetike si shampo, xhel larës, kremëra etj).
Mos e ekspozoni lëkurën në të cilën është aplikuar Fastum xheli në dritën e diellit.
Siguria e fastum xhelit në fëmijë nuk është vërtetuar akoma.
Shtatzënia dhe ushqyerja me gjiMos përdorni Fastum xhel gjatë shtatzënisë ose ushqyerjes me gji.
Mund të ndikojë negativisht tek fëmija juaj.
Medikamenti i mësipërm është një bar OTC, pra mund të merret pa rekomandim nga mjeku.
Përpara përdorimit të këtij medikamenti lexoni me kujdes fletëudhëzuesin e pranishëm në paketim, pasi ai përmban një informacion më të detajuar.
Për çdo paqartësi këshillohuni me mjekun ose farmacistin tuaj.

Aplikoni Fastum xhel në zonën që duhet trajtuar 2 ose 3 herë në ditë (aplikohet 5-10 cm xhel).
Fastum xhel është vetëm për përdorim të jashtëm.
1.
Masazhoni me lehtësi xhelin në zonën që duhet të trajtohet.
2.
Lani duart përpara dhe pas çdo përdorimi.
3.
Mos e aplikoni xhelin në lëkurë të infektuar apo në plagë.
4.
Mos e përdorni në sy ose në zonën rreth syve, në kavitetin oral, në mukozat e hundës, në regjonin anal apo genital.
5.
Mos e përdorni xhelin nëse ndodh një reaksion alergjik në lëkurë.
6.
Mos vishni rroba të ngushta dhe mos e fashoni zonën ku keni aplikuar xhelin.

ketoprofene, carbomer, ethanol, neroli essence, lavender essence, trolamine and purified water