Vitamina E është një vitaminë e tretshme në yndyrna, që nuk prodhohet në organizëm por merret nëpërmjet dietës ushqimore ose suplementeve ushqimore.
Roli më i rëndësishëm i vitaminës E në organizëm lidhet me vetitë antioksiduese të saj.
Mbron qelizat nga radikalet e lira dëmtuese.
Duke qënë një vitaminë shumë e tretshme në yndyrna, kalon membranat biologjike dhe mbron qelizat nga oksidimi dhe dëmtimi që u vjen nga radikalet e lira.
Dëmtimi i këtyre qëlizave çon në shfaqjen e një sërë sëmundjesh në organizëm.
Vitamina E ndihmon në mirë-funksionimin e sistemit imunitar dhe prandaj rekomandohet tek të moshuarit gjatë periudhës së virozave.
Parandalon dukurinë e aterosklerozës dhe parandalon çrregullimet imunologjike dhe reumatike.
Pakëson riskun për katarakt dhe dëmtim të makulës.
Vitamina E përdoret për të parandaluar humbjen e memories dhe së bashku me terapi të tjera përdoret në sëmundjen e Alzhaimerit.
Mbron mëlçinë dhe pakëson simptomat e diabetit neuropatik.
Së bashku me vitaminën C, përshpejton proçesin e rigjenerimit të plagëve dhe rrit tolerancën ndaj rrezatimit UV.
Vitamina E merr pjesë në sintezën e qelizave riprodhuese në të dy sekset, parandalon abortet spontane dhe rekomandohet të përdoret gjatë menopauzës.
Si pasojë e mungesës së vitaminës E mund të kemi:

-lodhje;
-anemi;
-sistem imunitar të dobësuar;
-probleme me shikimin;
-depresion;
-prodhim të ulët të hormoneve të gjendrës tiroide.
Suplementet ushqimore nuk zëvëndësojnë dietën ushqimore.