Gripoblock është një medikament OTC që kombinon paracetamolin me fenilefrinën dhe vitaminën C.
Paracetamoli ka veti analgjezike (qetëson dhimbjen) dhe antipiretike (ul temperaturën trupore).
Në doza të larta ka dhe veprim anti-inflamator.
Fenilefrina ka veti të ngushtojë/kontraktojë enët e gjakut dhe të pakësojë fluksin e gjakut në to.
Kjo sjell pakësim të sekrecioneve nazale, ulje të inflamacionit të mukozës dhe përmirësim të frymëmarrjes.
Acidi askorbik ka veti antioksiduese.
Përmirëson gjendjen e përgjithshme të organizmit dhe rrit imunitetin.
Gripoblock përdoret për trajtimin afatshkurtër të dhimbjes së kokës, temperaturës së lartë, rrufës, tështimave dhe dhimbjes muskulore në situatat gripale dhe virozat e zakonshme.
Nuk përmban sheqer.
Shtatzania dhe ushqyerja me gjiKëshillohuni me mjekun tuaj ose lexoni fletë-udhëzuesin përpara se të përdorni këtë medikament.
Si çdo medikament tjetër dhe Gripoblock Adulti Hot Drinks ka efekte anësore.
Nuk duhet të përdoret tek fëmijët nën 12 vjeç.
Ky është një medikament OTC, kështu që mund të merret pa rekomandimin e mjekut.
Përpara se të përdorni këtë medikament, lexoni me kujdes fletë-udhëzuesin që gjendet brenda në paketim pasi përmban informacion më të detajuar.
Për çdo paqartësi konsultohuni me mjekun ose farmacistin tuaj.