Rapidol S ka në përmbajtje ibuprofen, një medikament i grupit AIJS (anti-inflamator josteroid) me veti analgjezike, anti-inflamatore dhe antipiretike.
Rapidol S indikohet të përdoret në:

- osteoartrit;
- artrit rheumatoid;
- spondilit ankilozant (ngurtësim dhe inflamacion i rruazave të shtyllës kurrizore);
- inflamacion (enjtje) të kyçeve;
- bërsit;
- tendinit (inflamacion i tendinave);
- tendosinovit (inflamacion i mbulesës së tendinit);
- dhimbje të pjesës së poshtme të kurrizit;
- ndrydhje dhe tërheqje muskulore.
Rapidol S mund të përdoret për të trajtuar dhe gjendje të tjera si:

- dhimbje dhëmbi;
- dhimbje pas proçedurave kirurgjikale;
- dhimbje të ciklit menstrual;
- dhimbje koke përfshirë dhe migrenën.
Mos përdorni Rapidol S:

- Nëse jeni alergjik ndaj ibuprofenit ose ndaj ndonjë prej përbërësve të tjerë të këtij formulimi.
- Nëse keni ose keni pasur më parë ulçerë të stomakut ose probleme të tjera gastrike.
- Nëse vuani nga astma ose nëse keni pasur reaksion alergjik apo astmatik pas përdorimit të ibuprofenit, aspirinës ose barnave të tjerë të grupit anti-inflamatorëe josteroid.
- Nëse vuani nga sëmundje të rënda të mëlçisë, veshkave ose zemrës.
- Gjatë tremujorit të fundit të shtatzënisë.
ShtatzëniaPërdorimi i ibuprofenit nuk rekomandohet gjatë shtatzënisë, me përjashtim të rasteve kur mjeku e konsideron përdormin të nevojshëm.
Duke patur parasysh efektet e njohura anësore të barnave anti-inflamatore jo steroidale mbi sistemin kardiovaskular të fetusit, ibuprofeni nuk duhet të përdoret gjatë tremujorit të fundit të shtatzënisë.
Ushqyerja me gjiNë studimet e limituara, të disponueshme deri tani,është vënë re që ibuprofeni gjendet në përqëndrime shumë të vogla në qumështin e gjirit.
Megjithatë, përdorimi i këtij bari duhet të shmanget gjatë ushqyerjes me gji.
Ky është një medikament OTC, kështu që mund të merret pa rekomandimin e mjekut.
Përpara se të përdorni këtë medikament, lexoni me kujdes fletë-udhëzuesin që gjendet brenda në paketim pasi përmban informacion më të detajuar.
Për çdo paqartësi konsultohuni me mjekun ose farmacistin tuaj.