Vitamina C është një vitaminë e tretshme në ujë, e cila në organizëm oksidohet në acidin dehidroaskorbik.
Të dyja format janë të rëndësishme për mbarëvajtjen e proçeseve redox.
Vitamina C nuk mund të ruhet në organizëm për një kohë të gjatë, pasi duke qenë një vitaminë e tretshme në ujë, eleminohet me urinën.
Për këtë arsye vitamina C Synergy është formuluar si tabletë me çlirim gradual.
Roli më i rëndësishëm i vitaminës C në organizëm lidhet me vetitë e saj antioksiduese.
Mbron qelizat nga stresi oksidativ dhe nxit funksionet imunitare.
Për këtë arsye rekomandohet përdorimi i saj për të parandaluar infeksionet virale, ku përfshihet dhe gripi i thjeshtë.
Vitamina C është e nevojshme për sintezën e kolagjenit, një proteinë e nevojshme për muskujt dhe muret e enëve të gjakut, lëkurën, tendinat dhe kockat.
Përshpejton proçesin e shërimit të plagëve dhe ndihmon në pasjen e një lëkure të shëndetshme.
Vitamina C rrit përthithjen e hekurit, prandaj rekomandohet që të merret bashkë me suplementet që përmbajnë hekur te personat që vuajnë nga anemia.
Vitamina C pakëson proçesin e plakjes qelizore dhe rrit rezistencën trupore.
Nevojë për sasi të shtuara të vitaminës C kanë:

-gratë shtatzëna dhe ato që ushqejnë me gji;
-të moshuarit;
-personat që kanë temperaturë për shkak të një infeksioni;
-atletët;
-personat diabetikë;
-të alkoolizuarit;
-duhanpirësit.
Në rastet e një defiçence shumë të madhe të vitaminës C në organizëm shfaqet sëmundja e skorbutit.
Suplementet ushqimore nuk zëvëndësojnë dietën ushqimore.