Kategoria farmakoterapeutike:

Analgjezik - Antipiretik.
Indikacionet terapeutike:

Trajtimi simptomatik i temperaturës dhe dhimbjes së lehtë deri në mesatare.
Mos përdorni Acetamol në rast të mbindjeshmërisë ndaj përbërësit aktiv, ndaj ndonjë prej eksipientëve ose substancave të tjera të lidhura ngushtë nga pikëpamja kimike me përbërësit e këtij formulimi;
në veçanti ndaj analgjezikëve dhe antipiretikëve të tjerë.
Shtatzënia dhe ushqyerja me gjiPyesni mjekun ose farmacistin tuaj për këshilla përpara se të merrni ndonjë medikament gjatë shtatzënisë ose ushqyerjes me gji.
Megjithëse studimet klinike në pacientet shtatzëna ose në laktacion nuk kanë zbuluar kundërindikime të veçanta për përdorimin e paracetamolit, as nuk kanë shkaktuar efekte të padëshiruara që prekin nënën ose fëmijën, rekomandohet administrimi i produktit vetëm në rast nevoje reale dhe nën mbikëqyrjen dhe rekomandimin e mjekut.
Ashtu si të gjitha barnat, edhe Acetamoli mund të shkaktojë efekte anësore, megjithëse jo te të gjithë personat që e përdorin këtë medikament.
Nga përdorimi i Acetamol-it janë raportuar reaksione të lëkurës, të llojeve dhe ashpërsive të ndryshme, duke përfshirë rastet e eritemës multiforme, sindromës Stevens Johnson dhe nekrolizës epidermale.
Janë raportuar reaksione të mbindjeshmërisë si angioedema, edema e laringut, shoku anafilaktik.
Përveç kësaj, janë raportuar efektet e mëposhtme të padëshiruara:

trombocitopeni, leukopeni, anemi, agranulocitozë, anomali të funksionit të mëlçisë dhe hepatit, çrregullime të veshkave (insuficiencë renale akute, nefrit intersticial, hematuri, anuri), reaksione gastro-intestinale dhe marramendje.
Në çdo rast, pacienti duhet të raportojë çdo efekt të padëshiruar që nuk është përshkruar në fletë-udhëzuesin e pranishëm në paketim, tek mjeku ose farmacisti i tij.
Nëse ndonjë nga efektet anësore bëhet serioz, ose nëse vëreni ndonjë efekt anësor që nuk përmendet në fletëudhëzues, ju lutemi njoftoni mjekun ose farmacistin tuaj.
Ky është një medikament OTC, kështu që mund të merret pa rekomandimin e mjekut.
Përpara se të përdorni këtë medikament, lexoni me kujdes fletë-udhëzuesin që gjendet në paketim pasi përmban informacion më të detajuar.
Për çdo paqartësi konsultohuni me mjekun ose farmacistin tuaj.