Connettivina Plus Garze Impregnate (acid hialuronik, sulfadiazinë argjendi)

Connetivina Plus përmban dy përbërës aktivë:

acidin hialuronik dhe sulfadiazinën e argjendit.
Acidi hialuronik është një substancë që prodhohet në organizëm dhe ka aftësi të nxisë sintezën e kolagjenit, të shtojë elasticitetin e indeve dhe të ruajë gjendjen optimale të hidratimit të lëkurës.
Prania e acidit hialuronik është e nevojshme për të përshpejtuar proçesin e shërimit të plagëve.
Sulfadiazina e argjendit bën pjesë në grupin e antibiotikëve sulfonamidë.
Mos përdorni Connettivina Plus garza nëse jeni alergjik nga ndonjëri prej përbërësve të pranishëm në formulim.
Këshillohuni me mjekun tuaj përpara përdorimit të garzave Connettivina Plus nëse:

– keni mbindjeshmëri nga ndonjëri prej përberësve të pranishëm në formulim;
– keni insufiçiencë renale;
– keni insufiçiencë hepatike;
– jeni shtatzënë ose ushqeni me gji.
Connettivina Plus nuk duhet të përdoret gjatë shtatzënisë dhe ushqyerjes me gji, me përjashtim të rasteve kur e këshillon mjeku juaj dhe situata monitorohet gjatë gjithë kohës prej tij.
Përpara përdorimit të këtij bari lexoni me kujdes fletëudhëzuesin e pranishëm në paketim, pasi ai përmban një informacion më të detajuar.
Për çdo paqartësi këshillohuni me mjekun ose farmacistin tuaj.