Indikimet:

Trajtim i shkurtër për konstipacionin episodik (rastësor).
Kundërindikimet:

Në pacientët me ileus, obstruksion intestinal, probleme shëndetësore abdominale akute (përfshihet apandesiti), sëmundje akute inflamatore të zorrës, dhimbje e fortë abdominale e shoqëruar me nauzea dhe të vjella.
Në raste dehidratimi.
Në pacientë që kanë alergji nga bisakodili apo nga ndonjëri prej përbërësve të tjerë të pranishëm në formulim.
Në raste të sëmundjeve gjenetike të trashëguara, që mund të bëhen problematike si pasojë e ndonjërit prej përbërësve të këtij formulimi.
Shtatzënia dhe ushqyerja me gjiNuk ka studime të kontrolluara tek gratë shtatzëna.
Eksperienca e gjatë ka treguar që nuk ka efekte të padëshiruara nëse konsumohet gjatë shtatzënisë.
Të dhenat klinike tregojnë se asnjëri nga metabolitët e bisakodilit nuk eleminohet me qumështin e gjirit.
Pavarësisht kësaj Dulcolax nuk duhet të përdoret gjatë shtatzënisë (veçanërisht në tremujorin e parë) dhe as gjatë ushqyerjes me gji, me përjashtim të rasteve kur mjeku e gjykon të arsyeshme pasi vlerëson raportin risk-benefit.
Ky është një medikament OTC, kështu që mund të merret pa rekomandimin e mjekut.
Përpara se të përdorni këtë medikament, lexoni me kujdes fletë-udhëzuesin që gjendet në paketim pasi përmban informacion më të detajuar.
Për çdo paqartësi konsultohuni me mjekun ose farmacistin tuaj.