Espumisan® Perlen është një bar me veprim në traktin gastro-intestinal, por që shërben edhe si ndihmës në procedurat diagnostike.
Lënda vepruese, simetikoni, bën të mundur që bulëzat e gazrave, që ndodhen të përziera me masën ushqimore dhe mukusin e traktit gastro-intestinal, të dezintegrohen.
Gazrat e krijuara nëpërmjet këtij proçesi më pas jashtëqiten të ndihmuara nga lëvizjet e zorrëve.
Përdorimet:

- Për trajtimin simptomatik të ankesave gastro-intestinale, të cilat lidhen me shtimin e gazrave, si p.
sh.
fryrja e barkut nga gazrat (meteorizmi) apo nxjerrja e tepruar e gazrave (flatulenca).
- Për pëgatitjen e të sëmurëve që do t’i nënshtrohen ekzaminimeve diagnostike në regjionin abdominal (në zonën e barkut), p.
sh.
me rreze X (radiografike) ose ultratinguj (ekzaminimi sonografik ose EKO).
Ankesat të cilat lidhen me krijimin e shtuar të gazrave gjithashtu mund të jenë një shenjë e çrregullimeve funksionale në regjionin gastrointestinal.
Ato mund të shfaqen edhe në trajtën e një ndjesie presioni apo mbushje, të ndjesisë së ngopjes së parakohshme, të nxjerrjes së gromësirave, apo të zhurmës së zorrëve dhe fryrjes së tyre.
Mos përdorni Espumisan® Perlen:

- Në rast se jeni alergjikë (të mbindjeshëm) ndaj simetikonit, agjentit ngjyrues të verdhë në portokalli S (E 110), metil parahidroksibenzoatit apo ndaj ndonjërit prej përbërësve të tjerë (ingredientëve) të Espumisan® Perlen.
Shtatzënia dhe ushqyerja me gjiKëshillohuni me mjekun ose farmacistin tuaj para se të përdorni ndonjë bar.
Për shkak të mënyrës së veprimit dhe të faktit që simetikoni nuk përthithet nga trakti gastro-intestinal, nuk pritet të shfaqen efekte të padëshiruara nga përdorimi i Espumisan® Perlen gjatë shtatzënisë dhe në periudhën e ushqyerjes me gji.
Nuk ka të dhëna klinike mbi përdorimin e Espumisan® Perlen në gratë shtatzëna.
Deri tani nuk janë vënë re efekte të padëshiruara që të kenë lidhje me përdorimin e Espumisan®Perlen.
Agjenti ngjyrues i verdhë në portokalli S (E 110) mund të shkaktojë reaksione alergjike.
Metil parahidroksibenzoati (E 218) mund të shkaktojë reaksione mbindjeshmërie, si dhe reaksione të vonuara.
Në rast se ndonjë nga efektet e padëshiruara bëhet serioz, ose në rast se ju shfaqen efekte të padëshiruara që nuk janë shënuar në fletën udhëzuese që shoqeron produktin, njoftoni mjekun ose farmacistin.
Ky është një medikament OTC, kështu që mund të merret pa rekomandimin e mjekut.
Përpara se të përdorni këtë medikament, lexoni me kujdes fletë-udhëzuesin që gjendet brenda në paketim pasi përmban informacion më të detajuar.
Për çdo paqartësi konsultohuni me mjekun ose farmacistin tuaj.