Grippostad është një medikamentqë përdoret për të qetësuar dhimbjet dhe për të ulur temperaturën (bar me veti analgjezike dhe antipiretike).
Indikacionet:

- Dhimbje të lehta deri në mesatare dhe temperaturë.
Ky medikament përdoret tek fëmijët mbi 10 vjeç, adoleshentët dhe të rriturit.
Ju duhet të flisni me një mjek nëse nuk ndiheni më mirë ose nëse ndiheni më keq pas 3 ditësh konsumimi të Grippostadit bustinë.
Mos përdorni Grippostad:

- Nëse jeni alergjik ndaj paracetamolit ose ndonjërit prej përbërësve të tjerë të këtij medikamenti.
- Nëse vuani nga sëmundje të mëlçisë.
- Tek fëmijët nën 10 vjeç dhe pacientët me peshë më të vogël se 40 kg.
Grippostad nuk duhet të përdoret me alkool.
Shtatzënia dhe ushqyerja me gjiNëse jeni shtatzënë ose ushqeni me gji, mendoni se mund të jeni shtatzënë ose po planifikoni të keni një fëmijë, këshillohuni me mjekun ose farmacistin tuaj përpara përdorimit të këtij medikamenti.
Nëse është e nevojshme, Grippostadi mund të përdoret gjatë shtatzënisë.
Përdorni dozën më të ulët që lehtëson dhimbjen dhe/ose temperaturën në kohën më të shkurtër të mundshme.
Kontaktoni mjekun ose farmacistin tuaj nëse dhimbja dhe/ose ethet nuk largohen, ose ju duhet ta merrni më shpesh.
Paracetamoli del në qumështin e gjirit.
Duke qenë se nuk janë zbuluar efekte anësore tek foshnja, zakonisht nuk është e nevojshme të ndërpritet përdorimi i paracetamolit gjatë ushqyerjes me gji.
Ky medikament OTC përmban 95 mg aspartam për bustinë.
Aspartami është burim i fenilalaninës.
Kjo mund të jetë e dëmshme nëse keni fenilketonuri, një çrregullim i rrallë gjenetik ku fenilalanina nuk shpërbëhet dhe grumbullohet në trup.
Ky është një medikament OTC, kështu që mund të merret pa rekomandimin e mjekut.
Përpara se të përdorni këtë medikament, lexoni me kujdes fletë-udhëzuesin që gjendet në paketim pasi përmban informacion më të detajuar.
Për çdo paqartësi konsultohuni me mjekun ose farmacistin tuaj.
"