Ky medikament ka në përmbajtje kalçium dhe vitaminë D3, të nevojshme për një sërë proçesesh në organizëm.
Përdoret:

-në rastet kur kemi defiçencë të kalçiumit dhe vitaminës D3;
-së bashku me trajtime të tjera tek personat që vuajnë nga osteoporoza.
Është formuluar për t'u përdorur nga të rriturit.
Mos përdorni IDEOS nëse:

-jeni alergjik nga kalçiumi, vitamina D3 ose nga ndonjëri prej përbërësve të tjerë të këtij formulimi;
-nëse jeni alergjikë nga soja dhe nga kikirikët (ky formulim përmban vaj soje);
-nëse keni nivele të larta të kalçiumit në gjak (hiperkalçemi);
-nëse keni ndonjë patologji që çon në hiperkalçemi dhe/ose hiperkalçiuri;
-nëse keni probleme me veshkat;
-nëse keni gurë në veshka;
-nëse keni nivele të larta të vitaminës D (hipervitaminoza D);
-nëse qëndroni në të njëjtin pozicion në një pjesë të madhe të ditës.
Shtatzënia dhe ushqyerja me gjiKy medikament mund të përdoret gjatë shtatzënisë dhe ushqyerjes me gji kur mjeku e gjykon të arsyeshme.
Sidoqoftë, nuk duhet të konsumoni më shumë se një tabletë në ditë.
Kalçiumi dhe vitamina D3 kalojnë në qumështin e gjirit, prandaj përpara se të filloni përdorimin e këtij medikamenti, duhet të këshilloheni fillimisht me mjekun tuaj.
Nëse jeni shtatzënë ose ushqeni me gji, mendoni se mund të jeni shtatzënë ose po planifikoni të keni një fëmijë, këshillohuni me mjekun ose farmacistin tuaj përpara se të përdorni këtë medikament.
Përpara përdorimit të këtij medikamenti lexoni me kujdes fletëudhëzuesin e pranishëm në paketim, pasi ai përmban një informacion më të detajuar.
Për çdo paqartësi këshillohuni me mjekun ose farmacistin tuaj.