Indikimet:

-Trajtimi simptomatik i diarresë akute në të rritur dhe fëmijë mbi 12 vjeç.
-Trajtimi simptomatik i diarresë akute të shoqëruar me "Sindromin e zorrës së irrituar" tek të rriturit mbi 18 vjeç, të diagnostikuar nga mjeku dhe e përcaktuar si kurë nga mjeku.
Kundërindikimet:

-mbindjeshmëri ndaj substancës aktive apo ndaj ndonjërit prej përbërësve të tjerë të pranishëm në formulim.
-tek fëmijët nën 12 vjeç.
-te pacientët me dizinteri, e karakterizuar nga prania e gjakut në feçe dhe temperatura e lartë.
-te pacientët me kolit ulçeroz.
-te pacientët me enterokolit bakterial të shkaktuar nga organizma të dëmshme si:

Salmonella, Shigella dhe Campilobakteri.
-te pacientët me kolit pseudo-membranoz si pasojë e përdorimit të antibiotikëve me spektër të gjerë veprimi.
Imodium nuk duhet të përdoret në rastet kur nuk duhet të frenohet peristaltika e zorrës si pasojë e ileusit, megakolonit dhe megakolonit toksik.
Ai duhet të ndërpritet në rastet kur ileusi, konstipacioni ose shqetësimet abdominale vazhdojnë.
ShtatzëniaNuk ka studime të mjaftueshme për të vërtetuar sigurinë e këtij medikamenti tek gratë shtatzëna, prandaj rekomandohet të mos përdoret gjatë shtatzënisë, sidomos gjatë tremujorit të parë.
Ushqyerja me gjiNjë sasi e vogël loperamidi kalon në qumështin e gjirit prandaj nuk duhet të përdoret gjatë ushqyerjes me gji.
Humbja e vetëdijes, depresioni, lodhja, marramendja ose përgjumja mund të ndodhë kur ju përdorni këtë mëdikament.
Këshillohet që të keni kujdes kur drejtoni një makinë ose të përdorni makineri.
Ky është një medikament OTC, kështu që mund të merret pa rekomandimin e mjekut.
Përpara se të përdorni këtë medikament, lexoni me kujdes fletë-udhëzuesin që gjendet brenda në paketim pasi përmban informacion më të detajuar.
Për çdo paqartësi konsultohuni me mjekun ose farmacistin tuaj.