Tabletat e përtypshme Natecal D3 përmbajnë dy substanca aktive:

karbonat kalçiumi dhe kolekalçiferol (vitaminë D3).
Si kalçiumi ashtu edhe vitamina D3 merren nëpërmjet dietës ushqimore.
Vitamina D3 prodhohet dhe në lëkurë pas ekspozimit në diell.
Tabletat e përtypshme Natecal D3 përdoren për të trajtuar dhe parandaluar mungesën e vitaminës D/kalciumit.
Natecal D3 përdoret:

-për të korrigjuar mungesën e kalciumit dhe vitaminës D3 tek të moshuarit,-si terapi e kombinuar në trajtimet e osteoporozës kur nivelet e kalçiumit dhe vitaminës D janë shumë të ulëta ose kur ekziston rreziku i lartë që ato të jenë shumë të ulëta.
Mos merrni Natecal D3:

-Nëse jeni tepër të ndjeshëm ndaj kalçiumit, vitaminës D3 ose ndonjërit prej përbërësve të tjerë të Natecal D3 (veçanërisht vajit të sojës);
-Nëse keni nivele të larta të kalçiumit në gjak (hiperkalçemia) ose në urinë (hiperkalçiuri);
-Nëse keni funksion të dëmtuar të veshkave;
-Nëse keni gurë në veshka;
-Nëse keni nivele të larta të vitaminës D në gjak (hipervitaminoza D).
Shtatzënia dhe ushqyerja me gjiTabletat e përtypshme Natecal D3 duhet të përdoren gjatë shtatzënisë dhe ushqyerjes me gji vetëm kur rekomandohet nga një mjek ose farmacist.
Mbajeni larg fëmijëve.
Ruajeni në paketimin origjinal për ta mbrojtur nga lagështia.
Mos e merrni Natecal D3 pas datës së skadencës e cila është shënuar në kuti.
Data e skadencës i referohet ditës së fundit të atij muaji.
Mos hidhni asnjë medikament në ujërat e zeza ose mbeturinat shtëpiake.
Pas hapjes së parë, afati i ruajtjes është 60 ditë.
Medikamenti i mësipërm është një bar OTC, pra mund të merret pa rekomandim nga mjeku.
Përpara përdorimit të këtij medikamenti lexoni me kujdes fletëudhëzuesin e pranishëm në paketim, pasi ai përmban një informacion më të detajuar.
Për çdo paqartësi këshillohuni me mjekun ose farmacistin tuaj.