Bikarbonati i natriumit bën pjesën në klasën e antacideve.
Përdoret për të trajtuar hiperaciditetin e stomakut.
Nuk duhet të përdoret nëse:

- jeni alergjik nga bikarbonati i natriumit apo nga ndonjëri prej përbërësve të tjerë të pranishëm në formulim;
- vuani nga një sëmundje e rëndë e veshkave;
- keni një pH të lartë në gjak të shkaktuar nga probleme me frymëmarrjen (alkaloza respiratore);
- keni nivele të ulëta të kalçiumit në gjak;
- keni nivele të ulëta të klorurit në gjak, të shkaktuar nga konsumimi i disa medikamenteve si p.
sh diuretikët;
- jeni nën 12 vjeç;
- jeni shtatzënë.
Shtatzënia dhe ushqyerja me gjiNëse jeni shtatzënë, ushqeni me gji ose po planifikoni një shtatzëni këshillohuni me mjekun tuaj përpara përdorimit të këtij medikamenti.
Nuk ka të dhëna për përdorimin e bikarbonatit të natriumit gjatë shtatzënisë, prandaj ai nuk duhet të përdoret, pasi mendohet se mund të përkeqësojë fryrjen që ndodh gjatë shtatzënisë.
Bikarbonati i natriumit mund të përdoret gjatë ushqyerjes me gji.
Efekte të mundshme anësore:

- reaksione alergjike dhe anafilaktike si urtikarie ose bronkospazma;
- dhimbje barku, të vjella, ndjesi fryrjeje, lezione në stomak;
- alkalozë metabolike, veçanërisht te pacientët që vuajnë nga insufiçienca renale;
- shtim të niveleve të natriumit në gjak;
- edemë pulmonare;
- edemë cerebrale;
- hipotension;
- hemorragji intrakraniale;
- shtim të anhidritit karbonik në gjak.
Përpara përdorimit të këtij medikamenti lexoni me kujdes fletëudhëzuesin e pranishëm në paketim, pasi ai përmban një informacion më të detajuar.
Për çdo paqartësi këshillohuni me mjekun ose farmacistin tuaj.