Vitaminat e grupit B marrin pjesë në metabolizmin e karbohidrateve, yndyrnave dhe proteinave.
Pamjaftueshmëria e ndonjërës prej vitaminave të grupit B, ose rritja e nevojave për to shkakton një kërkesë më të madhe për të gjithë vitaminat e këtij grupi.
Vitaminat B kompleks përdoren në:

- profilaksinë dhe mjekimin e hipovitaminozës B dhe avitaminozës.
- rritjen e nevojave për vitaminat e grupit B.
- çrregullimet e përthithjes së vitaminave në sëmundje të ndryshme të aparatit tretës dhe në sëmundje të mëlçisë.
- beriberi.
- neuralgji.
- polineurit.
- neurodermatoza.
Mos merrni Vitamine B kompleks nëse:

- keni mbindjeshmëri ndaj ndonjërës prej vitaminave ose përbërësve të tjerë të pranishëm në formulim;
- keni hipervitaminozë të vitaminave të veçanta.
Ky medikament përmban laktozë dhe sukrozë.
Nëse keni intolerancë ndaj disa sheqernave, kontaktoni me mjekun tuaj përpara përdorimit të këtij medikamenti.
Si të gjithë medikamentet e tjerë dhe vitaminat B mund të shkaktojnë efekte anësore, megjithëse jo të gjithë preken prej tyre.
Te disa persona mund të shfaqen reaksione mbindjeshmërie.
Urina mund të marrë ngjyrë të verdhë në portokalli, si pasojë e pranisë në formulim të riboflavinës.
Shtatzënia dhe ushqyerja me gjiDeri më tani nuk janë kryer studime në shtatzëni, tek njerëzit apo tek kafshët.
Rekoamndohet të merret vetëm kur përfitimet për nënën janë më të mëdha se rreziqet për fetusin.
Një pjesë e përbërësve të këtij formulimi kalon në qumështin e gjirit.
Ndiqni rekomandimin e mjekut tuaj nëse duhet të përdoret ose jo gjatë shtatzënisë.
Ky është një medikament OTC, kështu që mund të merret pa rekomandimin e mjekut.
Përpara se të përdorni këtë medikament, lexoni me kujdes fletë-udhëzuesin që gjendet brenda në paketim pasi përmban informacion më të detajuar.
Për çdo paqartësi konsultohuni me mjekun ose farmacistin tuaj.