Dimidon 400 mg (ibuprofen)

Dimidon përmban ibuprofen, një substancë e grupit AIJS (anti-inflamatorë jo-steroidalë), me veprim analgjezik (pakëson dhimbjen), anti-inflamator (ul enjtjen) dhe antipiretik (ul temperaturën.
Dimidon përdoret në trajtimin simptomatik të:

-osteoartrozës, artriti reumatoik, artritit juvenil, reumatizmit extra-articular, spondilitit ankilozant;
-dhimbjes post-traumave, dhimbjes pas proçedurave kirurgjikale, dhimbjes së dhëmbëve, dhimbjes menstruale;
-temperaturës.
Mos përdorni Dimidon:

-Nëse jeni alergjik ndaj ibuprofenit, barnave të tjera anti-inflamatore josteroide (NSAIDs), aspirinës ose ndonjërit prej përbërësve të tjerë të këtij formulimi.
Reaksionet që tregojnë alergji mund të jenë:

skuqje, kruajtje, enjtje e fytyrës, buzëve ose gjuhës, rrjedhje hundësh, vështirësi në frymëmarrje ose astmë.
-Nëse keni sëmundje të rënda të mëlçisë ose veshkave.
-Nëse keni pasur një ulçerë ose gjakderdhje në stomak ose duoden, ose keni pësuar një perforim të sistemit tretës.
-Nëse villni gjak.
-Nëse keni jashtëqitje të zeza ose diarre me gjak.
-Nëse vuani nga gjakderdhje ose çrregullime të koagulimit të gjakut, ose jeni duke marrë antikoagulantë (barna që përdoren për të “holluar” gjakun).
Nëse është i nevojshëm përdorimi i barnave antikoagulante në të njëjtën kohë me ibuprofenin, mjeku do të kryejë paraprakisht analizat për koagulimin e gjakut dhe më pas të bëjë rekomandimin përkatës.
-Nëse keni insuficiencë të rëndë të zemrës.
-Nëse jeni në tremujorin e tretë të shtatzënisë.
Shtatzënia dhe ushqyerja me gjiDimidon nuk duhet të përdoret gjatë shtatzënisë dhe ushqyerjes me gji.
Kundërindikohet përdorimi në tremujorin e fundit të shtatzënisë.
Ky është një medikament OTC, kështu që mund të merret pa rekomandimin e mjekut.
Përpara se të përdorni këtë medikament, lexoni me kujdes fletë-udhëzuesin që gjendet në paketim pasi përmban informacion më të detajuar.
Për çdo paqartësi konsultohuni me mjekun ose farmacistin tuaj.