Caffetin Menstrual përmban lizinat ibuprofeni, që bën pjesë në grupin e barnave AIJS, me efekt analgjezik (qetëson dhimbjen), antipiretik (ul temperaturën) dhe anti-inflamator (ul enjtjen).
Mos e përdorni Caffetin Menstrual nëse:

- jeni alergjik ndaj ibuprofenit ose ndaj ndonjërit prej përbërësve të tjerë të këtij formulimi;
- keni patur përkeqësim të astmës, rash në lëkurë, kruarje, rrjedhje hundësh, enjtje të fytyrës pasi keni marrë ibuprofen, aspirinë ose barna të tjerë të ngjashëm;
- nëse keni ose keni patur ulçerë peptike, perforim ose gjakderdhje gastro-intestinale;
- nëse keni patur gjakderdhje gastro-intestinale ose perforim kur keni marrë rastësisht medikamente anti-inflamatore josteroide;
- nëse jeni duke marrë barna të tjerë anti-inflamatorë josteroidë ose aspirinë më shumë se 75 mg në ditë;
- nëse keni funksion të dëmtuar të mëlçisë dhe veshkave;
- nëse vuani nga sëmundje të sistemit kardiovaskular;
- nëse keni çrregullime të koagulimit të gjakut;
- nëse keni vështirësi të frymëmarrjes;
- nëse jeni në 3 mujorin e fundit të shtatzënisë;
- nëse jeni nën 12 vjeç.
Shtatzënia dhe ushqyerja me gjiMos e përdorni këtë bar në tremujorin e fundit të shtatzënisë ose nëse ushqeni me gji.
Këshillohuni gjithmonë me mjekun tuaj.
Disa efekte të mundshme anësore:

- shenja të gjakderdhjes intestinale;
- shenja alergjike serioze;
- marrje mendsh;
- rrahje të shpeshta të zemrës;
- reaksione të rënda në lëkurë.
Ky është një medikament OTC, kështu që mund të merret pa rekomandimin e mjekut.
Përpara se të përdorni këtë medikament, lexoni me kujdes fletë-udhëzuesin që gjendet brenda në paketim pasi përmban informacion më të detajuar.
Për çdo paqartësi konsultohuni me mjekun ose farmacistin tuaj.