Aria-Des përmban desloratadinë, një medikament i grupit antihistaminik.
Është një medikament antialergjik që nuk shkakton përgjumje.
Ndihmon në kontrollin e reaksioneve alergjike dhe simptomave të alergjisë.
Aria-Des lehtëson simptomat e lidhura me rinitin alergjik si teshtimat, rrjedhje dhe kruajtje e hundës, kruarje në qiellzë, kruarje e syze, skuqje ose lotim.
Aria-Des indikohet dhe për lehtësimin e simptomave të tilla si kruajtje, enjtje dhe skuqje të lëkurës e shoqëruar me urtikarie (një sëmundje e lëkurës e shkaktuar nga alergjitë).
Me marrjen e tabletave Aria-Des këto simptoma do të lehtësohen gjatë gjithë ditës dhe do mund të rifilloni aktivitetet normale të përditshme.
Tabletat përmbajnë monohidrat të laktozës, që vjen nga qumështi i lopës.
Mos përdorni Aria-Des nëse jeni alergjik nga lënda vepruese ose ndonjëri prej përbërësve të tjerë të këtij formulimi.
ShtatzëniaNëse jeni shtatzënë, po planifikoni një shtatzëni ose mendoni që mund të jeni shtatzënë këshilllohuni me mjekun tuaj përpara se të përdorni këtë medikament.
Nuk rekomandohet të përdoret Aria-Des gjatë shtatzënisë.
Ushqyerja me gjiMos përdorni Aria-Des gjatë ushqyerjes me gji.
Efekte anësore të zakonshme:

- lodhje;
- tharje goje;
- dhimbje koke.
Ky është një medikament OTC, kështu që mund të merret pa rekomandimin e mjekut.
Përpara se të përdorni këtë medikament, lexoni me kujdes fletë-udhëzuesin që gjendet brenda në paketim pasi përmban informacion më të detajuar.
Për çdo paqartësi konsultohuni me mjekun ose farmacistin tuaj.

Të rriturit dhe fëmijët mbi 12 vjeç mund të konsumojnë një tabletë një herë në ditë.
Merreni tabletën me ujë, me ose pa ushqim.
Gëlltiteni të gjithë tabletën me një gotë ujë.
Për sa i përket kohëzgjatjes së trajtimit, mjeku juaj do të përcaktojë llojin e rinitit alergjik nga i cili vuani dhe do të përcaktojë se për sa kohë duhet të përdorni Aria-Des.
Nëse riniti juaj alergjik është i përkohshëm (prania e simptomave për më pak se 4 ditë në javë ose për më pak se 4 javë), mjeku juaj do t'ju rekomandojë një plan trajtimi që do të varet nga vlerësimi i historisë së sëmundjes suaj.
Nëse riniti juaj alergjik është i vazhdueshëm (prania e simptomave për 4 ditë ose më shumë në javë dhe për më shumë se 4 javë), mjeku juaj mund t'ju rekomandojë një trajtim afatgjatë.
Për urtikarien, kohëzgjatja e trajtimit ndryshon nga pacienti në pacient dhe për këtë arsye duhet të ndiqni udhëzimet e mjekut tuaj.

desloratadine, microcrystalline cellulose, colloidal silicon dioxide , calcium hydrogenphosphate, corn starch, talc, magnesium stearate, opadry II blue [lactose monohydrate(originated from cow's milk), hypromellose (HPMC 2910), titanium dioxide (E171),propylene glycol, FD&
C Blue]