Enterofuryl është një dezinfektant intestinal.
Përdoret si shtesë ndaj rehidrimit tek të rriturit dhe fëmijët mbi 6 vjeç, për trajtimin e diarresë akute të shkaktuar nga një infeksion në zorrë.
Mos përdorni Enterofuryl:

- nëse jeni alergjik ndaj derivateve të nitrofuranit ose përbërësve të tjerë të pranishëm në këtë formulim.
- tek fëmijët nën 6 vjeç.
Nuk këshillohet përdorimi i Enterofuryl njëkohësisht me barna që përdoren kundër abuzimit me alkoolin ose që frenojnë SNQ.
Shtatzënia dhe ushqyerja me gjiPreferohet që të shmanget përdorimi i këtij medikamenti gjatë shtatzënisë.
Mund të përdoret tek nënat që ushqejnë me gji vetëm kur e këshillon mjeku dhe kur trajtimi është për një kohë shumë të shkurtër.
Efekte të mundshme anësore:

- reaksione në lëkurë, kruarje, urtikarie;
- enjtje e papritur në fytyrë ose në qafë, që shkakton vështirësi në frymëmarrje dhe që mund të jetë kërcënuese për jetën;
- lodhje, mungesë fuqie, rënie e presionit arterial.
Ky është një medikament OTC, kështu që mund të merret pa rekomandimin e mjekut.
Përpara se të përdorni këtë medikament, lexoni me kujdes fletë-udhëzuesin që gjendet brenda në paketim, pasi përmban informacion më të detajuar.
Për çdo paqartësi konsultohuni me mjekun ose farmacistin tuaj.