Aciclovir ABC 5% krem (aciklovir)

Kremi me aciklovir i firmës farmaceutike ABC indikohet në trajtimin lokal të infeksioneve të lëkurës të shkaktuara nga herpesi simplex:

herpesi labial dhe herpesi genital.
Acikloviri ABC kundërindikohet të përdoret në pacientët që kanë mbindjeshmëri nga acikloviri, valacikloviri ose nga ndonjëri prej përbërësve të pranishëm në formulim.
Përkujdesje:

Acikloviri krem topik nuk duhet të përdoret në sy, në mukozat e gojës apo në mukozën vaginale, pasi mund të shkaktojë irritim.
Gjatë aplikimit të kremit shmangni zonën rreth syve.
Tek pacientët me sistem imunitar të kompromentuar (pacientët të diagnostikuar me sida, pacientët që i janë nënshtruar një transplanti) është mjeku që vendos se si do të trajtohet pacienti dhe nëse ky medikament duhet përdorur apo jo.
Në raste kur përdoret për një kohë të gjatë, mund të lindë fenomeni i sensibilizimit.
Në momentin që kjo ndodh duhet të këshilloheni me mjekun tuaj.
Nuk është vënë re krijimi i varësisë.
Formulimi përmban metil-para-hidroksibenzoat, i cili mund të shkaktojë reaksione alergjie.
Ushqyerja me gjiKur acikloviri merret në rrugë orale, një sasi e vogël po e papërfillshme eleminohet me qumështin e gjirit.
ShtatzëniaMarrja e aciklovirit bëhet vetëm në rastet kur mjeku e gjykon të arsyeshme, pasi ka vlerësuar raportin risk-benefit.
Marrja e aciklovirit në rrugë orale dhe më pas kalimi në përdorimin topik të tij, ka një risk të ulët.
Medikamenti i mësipërm është një bar OTC, pra mund të merret pa rekomandim nga mjeku.
Përpara përdorimit të këtij medikamenti lexoni me kujdes fletëudhëzuesin e pranishëm në paketim, pasi ai përmban një informacion më të detajuar.
Për çdo paqartësi këshillohuni me mjekun ose farmacistin tuaj.