Diacol përdoret për trajtimin simptomatik të kollës jo-produktive, si pasojë e irritimeve të rrugëve respiratore të poshtme dhe të sipërme.
Ky medikament mund të japë varësi prandaj trajtimi duhet të jetë afatshkurtërt.
Mos përdorni Diacol nëse:

-jeni alergjik nga hidrobromidi i dekstrometorfanit apo ndonjëri prej përbërësve të tjerë të këtij formulimi;
-keni kollë me sekrecione;
-jeni duke përdorur medikamente të klasës IMAO.
Shtatzënia dhe ushqyerja me gjiDiacol nuk rekomandohet të përdoret gjatë shtatzënisë ose ushqyerjes me gji.
Përdorimi me barna të tjeraJu nuk duhet të përdorni Diacol njëkohësisht me IMAO (inhibues të monoaminë oksidazës).
Një hapësirë 14 ditore duhet të respektohet nga përfundimi i përdorimit të inhibitorëve të monoaminë oksidazës deri në fillim të përdorimit të Diacol.
Nëse jeni duke marrë medikamente që veprojnë në sistemin nervor qëndror, efekti i tyre mund të fuqizohet nga përdorimi i Diacol.
Zakonisht efektet anësore të shkaktuara nga Diacol janë të rralla dhe mund të shfaqen si shqetësime të lehta gastro-intestinale, të përzjera, të vjella, dhimbje stomaku, marrje mendsh.
Ky është një medikament OTC, kështu që mund të merret pa rekomandimin e mjekut.
Përpara se të përdorni këtë medikament, lexoni me kujdes fletë-udhëzuesin që gjendet në paketim pasi përmban informacion më të detajuar.
Për çdo paqartësi konsultohuni me mjekun ose farmacistin tuaj.

Gjithmonë merrni Diacol siç e ka përshkruar mjeku juaj.
Nëse keni ndonjë paqartësi në lidhje me përdorimin e këtij shurupi këshillohuni me mjekun ose farmacistin tuaj.
Rekomandohen dozat e mëposhtme:
-të rriturit dhe adoleshentët:
5 deri në 10 ml dekstrometorfan 4 herë në ditë.
Doza maksimale ditore është 60 ml.
-Fëmijët 2 deri në 12 vjeç:
dozimi përshtatet nga mjeku.
*tek fëmijët 2 deri në 6 vjeç doza maksimale ditore është 15 ml;
*tek fëmijët 6 deri në 12 vjeç, doza maksimale ditore është 30 ml.
Diacol mund të merret dhe 4 herë në ditë, duke ulur sasinë e shurupit të marrë, pa ndikuar në dozën maksimale ditore të lejuar.

dextrometorphan hydrobromide, sucrose, anhydrous citric acid, methyl praben, liquid orange flavour, ethanol 96%, purified water.